Plantun de Prouvènço

Pèr coumpara dos planto d'encò nostre

Euphorbia spinosa & Vicia sallei

Euphorbia spinosa

Euphorbiaceae

Nom en français : Euphorbe épineuse.

Descripcioun :
Lou relachié (J.-L. Domenge, op.cit. p. 59) es uno planto lignouso que fai de mato en boulo, d'ounte parton de pichòtis espino, sus li pendis roucaious di colo. Li fueio an pas ges de péu e soun longo de 1 cm. Se recounèis peréu à si boursoun berrugous, alor que li grano soun lisco.

Usanço :
Li fedo l'esbrouton d'aise.

Port : Pichoto planto lignouso
Taio : 10 à 25 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Euphorbia
Famiho : Euphorbiaceae

Ordre : Malpighiales

Coulour de la flour : Jauno
Petalo : ges
Ø (o loungour) flour : 3 mm
Flourido : Printèms

Sòu : Ca
Autour basso e auto : 0 à 1700 m
Aparado : Noun

Liò : Roucaio - Tepiero seco - Paret
Estànci : Termoumediterran à Mountagnard
Couroulougi : Eurimediterranenco-Nord
Ref. sc. : Euphorbia spinosa L., 1753

Vesso(-de-Sallè)

Vicia sallei

Fabaceae Leguminosae

Nom en français : Vesce de Sallé.

Descripcioun :
Atroubarés dificilamen aquesto vesso dins li libre franchimand, pamens sèmblo bèn presènto e bèn diferènto. Es uno pichoto planto de mens de 20 cm emé de flour peréu pichoto (< 12 mm) e d'alo pu acoulourido que l'estendart, de fueioun en long e prim, e subretout de dóusso cuberto de péu courtet e aplata.

Usanço :
Coume pèr li jaisso, èi pas counseia de manja de grano de vesso, que soun empouisounanto e dounon uno malautié néuroulougico, lou latirisme (presènci d'ODAP).